Гӏалгӏай футболист Мархенаькъан Адам лайчилла бетта дикагӏа вола футболист ва
Гӏалгӏай футболист Мархенаькъан Адам лайчилла бетта дикагӏа вола ловзархо ва. Зӏамсага ший балха говзал гойтар «Нюрнберг» яхача немций тоабанца волаш. Из хоам «Сердало» газетага бир Гӏалгӏай Республикан футбола Федераце зарбан болх лелабераша.
«Дӏабахача бетта Адама каст-каста дакъа лаьцар Шоллагӏча Бундеслиге «Нюрнберга» юкъе волаш ловзарца. Цо болх бора тӏагӏортара а духьалъоттара а доакъош тӏа, вадара даькъ тӏара дукхагӏа бола болх дӏахьош а хилар из. Хьажархоша кхадж тоссаш, цо котало яьккхар, полузащитника начӏал а, духьалъотталуш хилар а гойтарах. Кхадж тессар, духьалъоттар яхача даькъ тӏа дӏабихьа хинна болх чулоацаш. Цунна 40% тессар кхадж, из дикка хьалхавоалаш ва шийна уллуврча яхьебаьннарел. Хьалхарча, шоллагӏча моттига юкъера башхало 21% дукхагӏа яр»,- аьлар хоамо.
«Футболага хьожаш болчар мах оттабир Мархенаькъанчун хьинара. Даькъалавувц Адам берригача футболага хьожаш болчар цу толамца, баркал оал царна кхадж тессача дакъа лацарах!» - аьлар Гӏалгӏайчен футбола Федераце президента Хьулахой Хаважа.
