ГӏалгӀайчен футболист МутаӀаланаькъан Аслан кердача тоабанна юкъе ва
ГӏалгӀайчен футболист МутаӀаланаькъан Аслан кердача командах дӀакхийттав. Из хӀанз Нижний Новгорода «Волна» яхача тоабан полузащитник ва, яхаш, дийцар «Сердало» газетага ГӏалгӀай Республикан футбола Федераце президента Хьулахой Хаважа.
«Дӏабаха бутт чакхбоалаш, «Рубин-2» тоабанцара бувзам хоадабеш, Аслана лаьрхӀар спортивни даькъ тӀа керда гӀа баккха. Яьча чӀоагӀонга хьежжа, из хургва «Волна» яхача футбольни тоабаца, 2025 шера оагӀой беттага кхаччалца. Из ловзаш хургва 4-ча тоаба чувоагӀаш, ШоллагӀча лиге Б», - йоах хоамо.
Тхога хоам баьчо яхачох, дӀаяха ха дика ера футболисташта. Казански тоаба чувоагӀаш, из хилар 32 ловзара доакъашхо, цо чутехар ши бургац, гӀо дир 7 бургац чутоха новкъосташта, из дикагӀа волча тоаба ассистентах, эггара техника дикагӀа лелаерех ва.
