Гӏалгӏай футболист Оздой Мухьмад бетта дикагӏа волча кхаьннена юкъевахар
10.09.2025 12:23
Гӏалгӏай футболист Оздой Мухьмад, «Паока» ФК чувоагӏаш, бӏарчча бетта дӏадихьача ловзарашка белгалваьннача дикагӏа волча кхаьннена юкъевахар. Толашагӏчарна юкъе иштта ва вратарь Павленко Ирже, полузащитник Янник Константелиас, яхаш, дийцар «Сердало» газетага Гӏалгӏай Республикан футбола Федераце.
«Укх шерара ловзараш дӏадолалуш, Мухьмада дакъа лаьцар къаман хьалхале яккхара шин ловзаре. Ший спорта говзалца, дика кхеташ хиларца полузащитник везаш хилар дика футболист санна. Оздоева доалахьа диъ ловзар да Европан Лига боараме. Цун дика ловза харах тоаба новкъостал хилар Еврокубка яхьашка керттерча жӏака тӏа кхача», - аьлар хоамо.
