Махачкалерча тоабан юкъе лакха говзал гойташ ва вай футболист ЦӀечой Оарц
11.04.2025 09:16
Махачкалерча «Легион» яхача тоабан юкъе, дика ловзаш белгалваьннав вай мехкахо ЦӀечой Оарц. ДӀадахача ловзаре Хасавюртарча футболисташта духьала говза ловзаш хиларах, цхьа бургац чутоха аьттув хилийтанзар цо цар. Из хоам «Сердалога» бир футболах йолча федерацера.
«ВӀашагӀкхетар чакхдаллалца лакха говзал хьокхаш лайзар вай мехкахо. «Котало» яхача тоабан футболистий кхыметтел шоай наӀарашта гаргабаха аьттув хилийтанзар цо. Махачкалерча тоабо кхо гол чуйоаккхаш, йистедаьлар ловзар», - йоах тхога бенача хоамо.
ХьатӀадоагӀача кӀирандийнахьа «Нарт» яхача черсий тоабанца ловза арабаргба «Легиона» доакъашхой.
