«Сириус» тоабан толамаш совдоахаш ва вай футболист Галай Расул
04.07.2025 11:25
«Сириус» тоабан доакъашхой гӀадкхувлаш ва гӀалгӀай футболист Галай Расул. ТӀехьарча ловзаре цох хилар цу ден турпал, духьаллаттарашта йиъ бургац чутоха аьттув баьлар вай мехкахочун. «Сердалога» из хоам бир футболах йолча федераце.
«Юххьанца, цхьатарра ловзаш бар «Роскомнадзора», «Сириуса» доакъашхой; бакъда ловзар юкъекхаьчача хана, деррига хувцаделар, «Сириусага» толам болаш. Лакха говзал гойтар цу яхье вай говзача футболиста Расула шоллагӀа бӀал болабелча. Цо чутехача йиъ бургацо хийцар деррига а», - йоах тхога бенача хоамо.
Кхелахоша белгалдечох, «Сириуса» футболисташ чӀоагӀа фийла хилар дар котало яккхара бахьан.
