«ПАОК» тоаба чувоагӀа гӏалгӀай футболист дика лаьрхӀар
04.03.2025 16:14
ГӏалгӀай футболист Оздой Мухьмад, «ПАОК» тоаба чувоагӀаш, дакъа лоацаш ва Греце чемпионате. Укх деношка цар дӀайихьар цӀагӀара матч «Астерас» яхача футбольни клуба духьала, яхаш, дийцар «Сердало» газетага вайцигарча футбола Федераце.
«Ловзара юкъе ше геттара дика гойтарах, судахоша лакха мах оттабир вай мехкахочунна - 7.0. Ши дакъа дӀахьош «ПАОК» доакъашхоша шозза бургац чуяьккхар шийца ловзаш йолча тоабан наӀарашка. Цу тӀехьа йистедаьлар Салоники яхача шахьара спортсменашца дӀахьош хинна ловзар», - йоах хоамо.
Белгалду, «ПАОК» карарча хана турнира оагӀон тӀа йиълагӀча моттиге латташ я.
