«Космос» яхача футбола тоабан доакъашхо Баркинхой Юсуф толашагӏчарех ва
15.12.2025 09:35
«Космос» яхача футбола тоабан толашагӏвола укх шерара ловзархо ва, аьнна, белгалвир вай мехкахо Баркинхой Юсуф. «Сердалога» из хоам бир футболах йолча федераце.
Дикагӏа болча футболисташта баркал оалача кхетаче дипломи совгӏати делар 14 шу даьннача Юсуфа «Космос» яхача академена хьалха латтача ӏалбаканаькъан Амира. 2011-ча шера баьчарна юкъе дикка белгалваьннарех ва Юсуф.
«Из совгӏат Юсуфа доагӏаш кхаьча да. Ловзархошта юкъе лакха говзал йолаш, кадай футболист ва из. Аьттув болаш, дӏахо а дукха толамаш доахаш хилба цун спортацара бувзам!» - аьлар футболах йолча федераце президента Хьулахой Хаважа.
