Гренадацарча ловзара юкъе белгалваьлар вай мехкахо Бакайнаькъан Заьлмаха
Гренадерча тоабанна духьала ловзаш хинна вай футболист Бакайнаькъан Заьлмаха дикка белгалваьлар. Из хоам «Сердалога» бир спорта гӀулакхех йолча федераце.
«Мехкарча вӀашагӀтехача тоабанна юха юкъевеначул тӀехьагӀа, Заьлмахий хьалхара ловзар да из. Ловзар чакхдаллалца гуш дар из лакха говзал йолаш, ший декхарех лоархӀавеш хилар, из къаьстта белгалдаьлар йиълагӀа бургац чутехача. 59-ча миноте шоашта духьаллаттарий наӀарашка бургац чутеха, котало шоашта тӀехьа чӀоагӀйир цо.
Чот 5:0 йолаш сецар Гренадайна, Россена юкъера ловзар», - йоах хоамо. Футболах йолча федераце болхлоша белгалдечох, шоашта духьала лайзараш дикка эшабеш дола хьинар оарцагӀдаккха аьттув баьннаб вай мехкахочун.
Укх бета 25-ча дийнахьа Россе тоаба ловзаргья Замберча футболисташца.
