ГӏалгӀай Паччахьалкхен драмтеатр кийчлуш да, «Ханума» яха спектакль гойта
ГӏалгӀай паччахьалкхен Базорканаькъан Идриса цӀерагӀа драматически театр кийчлуш да, дукхача хана денз сатийса «Ханума» яха Цагарели Авксенте пьесах латта спектакль - белам гойта. Республикан халкъа артиста Галай Мурада оттаю из спектакль, укх шера эггара сийрдагӀа хургья. Галай Мурада режиссёра таронаша кхыча тайпара, кердача хьисапе тоаяь хургья из.
«Ханума» - из дика тоабаь болх ба, цунна чубоагӀа белам, цунга хьажа хьавена саг вела ца луш ӏелургвац,самукъадаргда къаман Ӏадатий оагӀонаш чулоацаш вӀашагӀбеллача беламга хьажарах, ший тайпа хеза а довзаш а дола къаман культуран хьал юкъедаларца», - аьлар «Сердало» газетага ГӏалгӀайчен Паччахьалкхен театре.
Сюжета юкъ латт шин захала исторех, уж шоайла духьалъотташ хиларца дувзаденнача къамаьлах.. Хьажархошта гургда цӀаьрматал а, шоай оамал гойта гӀертар а, белама хьал а. Цхьа минот ца велаш яккха йиш хургьяц цунга хьожаш волча сага, шоай тайпара беламе дувхараш, оала дош, деррига самукъадоаккхаш а сакъердаме а да.
Белам эггара дикагӀа дола дарба да, цудухьа из дарба де таро хургья цига. ГӏалгӀайчен бахархой цунга хьажа йиш хургья, Шолжа-Шахьара культуран ЦӏагӀа, лайчилла бетта 22-ча дийнахьа 15:00 даьлча.
