Суртанчий музейс кердача гойтамга хьажа бех бахархой
13.01.2025 09:23
«Эрсий говзанчаша кхеллар» яхача гойтамга хьажа бех вай мехкахой суртанчий паччахьалкхен музея болхлоша. Из хоам «Сердало» газетага бир культуран гӀулакхех йолча Министерствос.
«Советски хана, цул тӀехьагӀа кхелла тамашийна балхаш довзаргда гойтаме баьхкарашта. Хьокха оттадаьрашта юкъе да РСФСР цӀихеза суртанча хиннача Кончаловский Михаила, СССР халкъий суртанчий Пластов Аркаде, Щербаков Бориса, Куприянов Михаила, иштта кхыбарий сурташ», - дийцар тха газетага.
Белгалде деза, уж деррига сурташ вай музея совгӀата деннар Россе бизнесмен, хӀама гулдарца белгалваьнна Некрасов Владимир волга.
