Майкопе дӀайихьача яхьашка «дошув» даьккхар вай спортсмена Муцолганаькъан ИсмаӀала
03.09.2025 16:32
Панкратионах йолча Майкоперча яхьашка дошо майдилг йоаккхаш белгалваьлар вай спортсмен Муцолганаькъан ИсмаӀал. Из хоам «Сердалога» бир «Чемпион» яхача берий-кагирхой спортивни ишколе.
«Тренер хиннача Демин Александра хетаяьча яхьашка дикка белгалваьлар вай мехкахо. 92 кг дозал дарашта юкъе ший низ дӀахьекхар цо. Цун хьехамча хиннав Хазанаькъан Назир», - йоах тхога бенача хоамо.
Яндарерча ФОКа доакъашхоша даькъалавувц чемпион вай мехкá иштта котало ярца.
ДӀахойодача хана а, иштта белгала волаш дӀачакхвала аьттув хилба цун! Спортсмена яхачох, тренерца цхьана тӀатеӀӀа къахьегарах, лакхерча лагӀа тӀа вала аьттув хилар цун.
