ГӀалгӀайчен технопарка котало яьккхар, «Куборафон» яхача мехкашта юкъерча яхье
04.12.2024 11:19
ГӀалгӀай Республикан «Кванториум» яхача берий технопарка котало яьккхар «Куборафон» яхача марафона яхье, яхаш, дийцар цигарча кулгалхочо Янданаькъан Салмана.
«Цига дакъа лоацаш хилар Магасерча технопарка дешархой Янданаькъан Адилия, Овшанаькъан Амина. Дешархоша гойтар шоай начӀал «Тамашийна роботаш, мичахьа хул уж?» яхача яхье. Цар проекта лакха мах бир кхелахоша, иштта дика робот-бӀехал цар барах», - аьлар хоамо.
Белгалду, из гӀирс баьб LEGO конструктора новкъосталца. Цул совгӀа, робот миччахьа гӀолла чакхйоалаш я.
