Гӏалгӏай тренер Халкъашта юкъерча Азе латара федераце президента гӏонча ва
Гӏалгӏай Республикан спортивни латара Федераце вице-президент Мусенаькъан Мухьмад лакхача даржага кхаьчар Халкъашта юкъерча Азе латара федераце. Вай мехкахо цу спортивни цхьанкхетара президента гӏонча ва, яхаш, дийцар «Сердало» газетага Гӏалгӏай Республикан спорта Министерствон зарбан болх лелабераша.
«Мусенаькъан Мухьмад цу балха тӏа дӏатӏавахарца даькъалавувцаш, Гӏалгӏайчен спорта министра Белхарой Руслана терко тӏаяхийтар спортсмена даьхача толамашта. Цо яхачох, цун ший профессена мутӏахьа хиларах даим масал хиннад къонача латархошта а тренерашта а.
Со тешаш ва, спортивни даькъ тӏа цунна карагӏдоалар бахьан долаш, цо дӏахо а ший вахара никъ дика дӏахьоргхиларах», - аьлар тхога хоам баьчо.
Азе латара Халкъашта юкъерча федераце президента Мохаммед Аль-Авамлеха ший аргӏагӏа могавир Мухьмад а цун Азе карагӏдаьннараш а, уж дар дукха совгӏаташ дар.
