Европан хьалхале яккхара яхьашка, кийчлуш ва тхэквондист Боканаькъан Асхьаб
02.11.2024 10:04
Европан йоккхача яхьашка дакъа лаца кийчо еш ва лакха говзал йола вай тхэквондист. Кийчон болх дӀахьош ва из карарча хана Соче. Из хоам «Сердалога» бир цу гӀулакха хьалхалаттараша.
«Тренер волча Поаланкой Султана белгалдечох, кийчон болх лакхача боараме хила беза. Укх бетта 5-ча денга кхаччалца ший тренерца Соче хургва Боканаькъан Асхьаб», - йоах тхога бенача хоамо. «Къулбехьен спорт» яхача кийчо еча моттиге дӀахьош да из гӀулакх.
