ГӏалгӀай тхэквондиста Къамурзой Ӏийсас дика толам баьккхар Селий мехка
09.06.2025 15:56
ГӏалгӀай тхэквондиста Къамурзой Ӏийсас дика толам баьккхар Селий мехка дӀахьош хиннача тхэквондо (ВТФ) яхьашка, яхаш, дийцар «Сердало» газетага спорта Министерствон зарбан болх лелабеча ГӀаппархой Аишас.
«ГӏалгӀай ишколе кхевеш волча Ӏийсас, 58 кг дозал долаш, кхоалагӀа моттиг яьккхар. Из кийчвеш къахьийгар хьехамчасша Цисканаькъан ИбрахӀима, Къамурзой Илеза, Хьамзас», - аьлар хоамо.
Кхаь дийнахьа, тайп-тайпарча Россе моттигашкарча говзанчаша Махачкале спортивни говзал гойтар. Россе 2025 кагирхой VӀ ахкан Спортакиаде дакъа лаьцар 21 шерага кхаччалца ха яьннача йиӀигаша, кӀаьнкаша. Из болх вӀашагӀбеллараша тхеквондох йола яхьаш хетайир Федераце юкъарлон болхлочунна Магомедов Ӏадрахьмана.
