ГӏалгӀайчен ТЮЗе гӏорбаьнна фаьлг
Сийрда, дика сайре хилар берий театре, цига дӀайихьар С.Озерске оттаяь «Дегаза боабашк» яха спектакль.
Дукха нах бар зале, царна юкъе -дешархой а цар хьехамчаш а. Из спектакль ерригроссийски сцена тӀа дика толам баьккхарех я, цунна елар лоархӀаме Гран-при Санкт-Петербурга «Нарвске коанаӀарашка» яхача фестивале. Тахан хьажа баьхкарий таро хилар актёрий говзал йовза, цар балха мах оттабе, режиссёра дагалаьттар фуд ха.
«Шийна гонахьарбараш шийх беларах, халонаш нийсъяларах ший вахара никъ лаха хайнача, воча боабашка истори бе-башха доацаш саг висанзар. Из спектакль чакхъяллалца берригаш, сатем этта, хьожаш бар цунга, цунца цхьана из деррига дегаех хьокхалуш. Йовхьамаш ловзаераша ше ма дарра керттерча турпалхочун вахарера из моттиг дӀагойтар наха; кхерам, шеко хилар, юххера а ший тайпара хувцаялар дар цу юкъе», - аьлар «Сердало» газетага ГӏалгӀайчен ТЮЗе.
Цига керттера хиннар дар, цо нах шоайла дог лазарга, эшача гӀо дарга, накъабала кийчбеш хилар, керттера дар - ца кхерар, хье бокъонца вар хилар.
Театра кхолламо массахана хьагойт, ший низ сага дегах гӀолла чакхбоалаш хилар. «Дегаза боабашк» яха спектакль бокъонца дола совгӀат хилар царна. Сийрда, дика уйлаш йитар цо.
