Андерсена фаьлгага хьажа бех бахархой мехкарча ТЮЗо
07.11.2025 09:22
Укх беттарча 10, 11-ча деношка мехкарча берий театре хьокхаргья Андерсена Христиана Ганса язбаьча фаьлгах йола спектакль. Озерский С. режиссёра вIашагIаеллача спектакле дувц зIамигача боабашка кIорига вахарах, цун духьала нийслуча халонех, мел хала дале а, йоха ца йохаш из духьаллаттарах, ший дог ураувттадеш. КIоарга маIан долча цу спектаклага гIолла вахаре нийслуш дола дукха хIамаш дагадох вайна.
«ЗIамигача барашта а боккхийчарна а дег чу бужаш, безабенна фаьлг ба из. Дикача хIаман никъ мел шера ба гойташ йолча спектаклага хьажа бех оаха мехкахой», - дийцар «Сердалога» мехкарча ТЮЗа болхлоша.
Билеташ дохка доладаьд. Дешархошта, кагирхошта лаьрхIа «Пушкина карта» яха, цунга гIолла билет эца йиш йола программа я вай мехка дIахьош.
