ГӏалгӀайчен УФАС харцахьа лаьрхӀар фермера грант цаялар
ГӏалгӀай Республикан юртбоахама Министерствос дӀахьош йолча «Юртбоахам дегӀабоалабара» йола паччахьалкхен программа кхоачашъеш, «Агростартап» яхача яхье цхьан доакъашхочо антимонопольни гӀулакхе лаьттанцарча боахамах кхайкарал дир, шийна грант цаялар бокъонах доагӀаш цахиларах. Цунца дувзаденна ГӏалгӀайчен УФАС цу гӀулакхага хьожаш болх дӀабихьар. Цига гучадаьлар, республикан юртбоахама Министерстве республикански а федеральни а законех юкъе нийсденна дукха кхоачамбоацараш хилар. Цох дийцар «Сердало» газетага ГӏалгӀай УФАСа зарбан болх лелабераша.
«Федеральни законо дӀадехачох, цу тайпара лоткъам антимонопольни болхлошка кхаьчача, из кхайкарал даьчунга хоам бу цох, иштта хьалхадоаккх из лоткъам техка баллалца бартчӀоагӀам соцабе безаш хиларах. Иштта дале а, из юхасоцадаьлга шоашта ховшшехь а, ГӏалгӀай Республикан юртбоахама Министерстве лаьрхӀар яхьа доакъашхошта гранташ яла.
Тӏахьожама болх дӀабихьачул тӀехьагӀа, лаьрхӀар министерствон балха даькъ тӀа моттигера а федеральни а закононаш толхадаьлга яхь дӀахьоча. Из да, бехкебараш административни гӀод такха дезаш хилар РФ КоАП массехк статьях», - аьлар ГӏалгӀайчен антимонопольни гӀулакха тӀарча наха.
