Студенташта дувц, вахарца ювзаеннача проектех боалача пайдах
Кагирхой политиках, туризмах йолча Министерствон болхлоша дувц студенташта вахара проектех хьабоалача пайдах. Иштта, #РоскагирхойГранты яхача прграммах, «Архитектуран, Дизайна, Реинжиниринга колледже» лекци йийшар, яхаш, дувц «Сердало» газетага ГӏалгӀай Республикан кагирхой туризма Министерствос.
«Керттерча говзанча Гӏулой Аминас кулгал а деш, кагирхоша вахарца ювзаенна проекташ оттаяра гӀулакх Ӏомадир. Шоаш Ӏомадаьр юкъе а доаккхаш, шоашта хетар аьлар дешархоша, мохк дегӀабоалабара даькъ тӀа фу, мишта де деза дувцаш. Кагирхой гӀулакха йолча Федеральни агентствон гранташ яхара йола проекташ хьаллоацаш хиларах дола дукха кердадараш дайзар дешархошта санна, цар хьехархошта а», - йоах хоамо.
Юххера а, къамаьл чакхдоалаш, кхоачашъяь яьннача проектий масалаш а кхувлаш, кагирхошта могадир зӀамигача хӀамангара дӀаболабала безаш хилар, цул тӀехьагӀа мара де воаллар Ӏомалургдац, тӀаккха йоккхий проекташ дӀаяхьара балха говзал а хургья.
