ГӀалгӀайчен футболисташта совгӀаташ делар «Котбаьннарий Дошо Кубок» яхача яхье
ГӀалгӀайчен «Ангушт-Наьсаре» кхоъ футболист белагалваьлар мехкашта юкъерча «Котбаьннарий Дошо Кубок» яхача яхье. Царна совгӀаташ делар иштта дика кийчо яь уж хиларах, яхаш, дийцар «Сердало» газетага мехка футбола Федераце.
«Ангушт-Наьсаре», иштта «Ротор-2» тоабаш ловзача хана вай сборне кхозза бургац чутехар, царех цаӀ -Тиймарзанаькъан Мухаммед-Амина. Шаккха бӀал дӀахьош из дика ловзаш вар, цудухьа ший тоабанна дика пайда бера цо. Иштта дика ловзарах цу вӀашагӀкхетара дикагӀа вола ловзархо, аьнна, цӀи елар цунна.
«Машук-КМВ» футболистий клубаца ловзаш дика толам гойтарах керттера дакъа дӀалоацаш ва Поаланкой Яхьья. Цига дика ловзарах из турнир вӀашагӀъеллараша статуэтка елар цунна.
Туапсе дӀайихьача турнире «ДикагӀа вола ловзархо» яха цӀи елар ЦӀечой ИбрахӀима.
Футбола Федераце болхлоша яхачох, уж совгӀаташ тешал деш да вай къона спортсменаш Россе футбола ишколашта юкъе дикагӀбараш хилара.
