«Хьалхарчар болам» яхача республикерча оагӀоно, ше баьча балхах дувцаш, кхетаче йир
20.12.2024 10:07
2024-ча шера шоаш дӀабихьача балхах дувцаш, йоккха кхетаче дӀайихьар «Хьалхарчара болам» яхача республикерча оагӀоно. Из хоам «Сердалога» бир цу моттигера.
«Кхетаче дакъа лоацаш бар 100 совгӀа «Бералла наькъаш» яхача ерригача Россе проекта доакъашхой, кагирхой политикахи, туризмахи йолча министерствон болхлой, ишколай кулгалхой гӀончаш, Хьалхарчарна юкъе хинна дешархой. ЛоархӀамеча боламо дӀабихьача балхах дийцар «Хьалхарчар болам» яхача оагӀонна кулгал деча Албохчанаькъан Маринас, цун гӀончаш болча Пхьошанаькъан Зоврбика, Чоренаькъан Юсуфа», - дийцар тха газетага. Албохчанаькъан Маринас доккха баркал аьлар хьинаре шоай гӀулакх дӀахьош хиннача берашта, цар даьшта, ноаношта, боккхагӀчарна.
