Гӏалгӏайчен коашкара боахам хьабийллар, Екатеринбурге цӏай долаш
Екатеринбурге дӏадихьар Юкъерча Урала хӏара шерара къамий Ди. Шахьара культуран, салоӏама, Маяковске В.В. цӏерагӏча парке; цу дийнахьа болх беш бар Гӏалгӏайчен коа тӏара боахам - Свердловски областе дахаш да 160 къам.
«Гӏалгӏайчен коа тӏара боахам майда хинна дӏаэттар цига, гӏалгӏай къаман культура, ӏадаташ довзийтача даькъе. Хьаьший таро хилар къаман даарех чам баккха, иштта дукхагӏа довза лоаман доазон тӏара исторически мах бараш», - аьлар «Сердало» газетага Москверча Гӏалгӏайчен массазарча викалаша. Гӏалгӏайчен Свердловскерча викала Овшанаькъан Къурейша доккха дакъа юкъедера хьаьша тӏаэцара, доттагӏала хьал хьакхоллара. Цо иштта вийхар 2008 шера денз олимпийски чемпион вола Чахкенаькъан Рахьим. Цӏихезача гӏалгӏай спортсмена гойтар, бувзам шоайла хилар халкъа культуран тӏехьаленца, спорта даькъ тӏа карагӏдоалачунца; Кавказа къаьнара, тамашийна культура йовза безам барашта.
