Гӏалгӏайчен «ТИМ» оалача предприяте хьагойт дегӏаахар
Гӏишлон екъа вӏашагӏъийна хӏамаш арахецаш йола «ТИМ» ООО яхача предприяте балха овсарле лакхлуш я. Из гуш да завода укх тӏехьарча хана хьагойташ долча ахчан а, гӏирсаш арахецача а доакъой хьалашка хьежача.
Дӏадахача шера тӏадетта дӏадахьийта товараш хилар 51,6 эзар тонн, хӏаьта пайда - 462 млн сом.
«Предприяте хӏама лакха дикал йолаш хиларах, цахаддаш болх дӏахьош хиларах бола толам ба из, цига керттердар да шоай лоборатори хилар.
Цо ӏалашбу дукхача оагӏорахьара арахецаш мел болча гӏирса тӏахьожам лоаттабара болх: бийдалгара кийчача продукцега кхаччалца», - аьлар Гӏалгӏайчен кулгалхочо Келаматанаькъан Махьмуд-ӏаьлас.
«ТИМ» яха завод гӏишлон вӏашагӏъийна хӏамаш арахецаш я, цу юкъе ингале ӏоакъа, ингалигранит, боккъонца цӏенача кхера лаьрхӏа дола клей, иштта йӏовхала духьалъотташ а штукатурканна а лаьрхӏа дола кхыдола гӏирсаш. Компане хӏама маьхалдоаккх Къилбаседа Кавказа доазон тӏа, иштта из дӏадохьийт Эрмалой мехка.
Заводо мехка промышленни комплексе дӏалоац лоархӏаме дакъа, цо лаьрхӏад ше арахецаш йола хӏамаш тӏехьарча шерашка дукхагӏа лоаттае.
