ГӏалгӀайчен УФАСо Шолжа-Шахьара бюджете юхаделар 3 млн сом совгӀа ахча
ГӏалгӀай Республике гӀолла йолча УФАСо, Шолжа администрацена юкъера къовсам судага гӀолла къоастабир, Менделеева урам тӏа ремонт яра дешаца бувзабенна. Тӏахьожама болх дӀахьош, антимонопольни гӏулакха болхлоша гучадаьккхар, закон телхадаь хилар: къовсамерча наха юкъера болх дӀа а ца хьош, администраце бартчӀоагӀо йир царех цхьаннеца, боагӏача маьхал совгӀа 5,5 совгӀа мах оттабаь.
Хьалхарча даькъе къовсаме яьнна, цу гӀулакха юкъе ийшача администраце из юха чуделар. УФАСа зарбан болх лелабераша яхачох, ялхайттлагӏа арбитражни гӀулакх юха чудалара йолча суда чӀоагӀдир бокъонах хилар ГӏалгӀай Республике гӀолла йолча федеральни антимонопольни гӏулакха Урхаллено хьадехар, иштта хьаллаьцар, Шолжа шахьара бюджете 3,3 млн сом совгӀа юхачудалар.
Заказчик хьежар ше даьр бакъде, балха вахаре лоархӀаме хиларца, болх сиха эшаш хиларца из дувзаде. Бакъда судо белгалдир, из къамаьл хӀаманца чӀоагӀдаь цахилар. Администраце судага цхьаккха, из болх иштта сиха, кхыметтел хьайийлла конкурс а е аукцион а йоацаш, бе безаш хиларца дувзаденна хоамаш гойтанзар. Судо юхадаьккхар администраце хьабаьча балхах доагӀар подрядчика дӀадала деза яха дош а. Цар довзийтар, доккха кхоачамбоацар юкъе а далийта, дӀаболабаьча балхах доагӀа ахча дала бокъо ца хилар», - аьлар «Сердало» газетага антимонопольни гӏулакх леладераша.
- Паччахьалкхен е доал дара даькъ тӀарча контракта, тӏаьргаш дӀа ца хьош чӏоагӀо яро, бюджетера дӀадода ахча дукхагӀа хулийт, иштта боахамий субъекташта юкъера бокъонаш телхаю – из бахьан долаш субъекта экономически таро а лохъю. Судо баь болх бувзабенна бар ГӏалгӀайчен УФАСо чубеннача лоткъамца, уж балхаш доаггӀача беса дӀадахьара тӏахьехаш болча, бюджетера дӀадода ахча лорадара».
