Россе U-Ӏ7 яхача вӀашагӀтехача тоабанца ловза хьийхав вай футболист Шоанахой Темарлан
14.02.2025 10:50
Росси U-17 (2008) гулъяьча тоабан юкъе дакъа лаца дӀавийхав гӀалгӀай футболист Шоанахой Темарлан. Цу тоабанца хӀанз кхозлагӀа ловзаш хургва спортсмен. «Сердалога» из хоам бир футболах йолча федерацера.
«Укх бетта 15-ча денгара 22-ча денга кхаччалца дӀахьоргйолча Кубке дакъа лоацаш хургва ЦСКА академе доакъашхо Шоанхой Темарлан. Ерригаш а бархӀ тоаба хургья ше-ше котъяла гӀерташ», - йоах тхогарча хоамо. Белгалде деза, дӀадахача ловзара юкъе вай мехкахо кхозза дикка белгалваьннилга. «Аьттув болаш хилда цун Россе гулъяьча тоабо дӀавехар! Хьожаш хургда вай мехкахочун толамашка», - дийцар тха газетага.
