ГӀалгӀай мехко грамоташ елар, кхыча паччахьалкхен студенташта
Укх деношка, кхыча паччахьалкхен студенташта грамоташ елар. Уж вайцигарча университете деша багӀа. Магас-Шахьара туризма, спорта, культуран керттерча моттиго грамоташца уж даькъалабийцар, цар массахана вай республике дӀахьош йолча спортивни кхетаченашка дика дакъа лоацаш хиларах, яхаш, дийцар «Сердало» газетага из болх вӀашагӀбеллараша.
«Цу тайпара доал деча даькъ тӀарча моттига кулгалхоша уж белгалбир спортивни, культурни кхетаченашка шоай дешара вузаца цхьана, ГӀалгӀай Республикан туризма, спорта культуран Центра кулгалхоша дӀахьош йолча кхетаченашка шоашкара дика дакъа юкъедахьаш хиларах», -аьлар тхога хоам баьчо.
Тха Центре чӀоагӀлуш доагӀа ГӀалгӀай, Инде студентий спортивни вошал. Керттера дакъа цу дерригача гӀулакха юкъе дӀалоацараш ба ГӀалгӀайчен университета физически культуран кафедра заведующи Озанаькъан Люба, иштта балха говзал йола хьехархо Цхьорой Салман.
Къаьстта баркал ала лов цу дикача хьехархошта», - аьлар культура дегӀайоалаярах волча кулгалхочун гӀончас Янданаькъан Абте.
