Шийла догӀаш кхаьчад вай республике
13.05.2024 09:54
БӀаьстан кхоалагӀа бутт юкъекхачар, шийлача догӀашца дувзаденна латт вай мехка. Республикан цхьайолча кхаленашка ди детташ, ша тохаш, мух айбенна, геттара чӀоагӀа догӀаш латтар кхерам ба. Из хоам «Сердалога» бир МЧС болхлоша.
«Хиш лакхдалара, лоаман моттигашка токхам бара тӀахьожам лоаттабеш ба цу гӀулакха бехктокхаме бараш. Бахархошка кхайкарал ду, моллагӀа цу тайпара хатар хилча «112», «101» номерех телефон тоха езилга», - йоах тхогарча хоамо.
Лораша белгалдечох; цӀаьхха, иштта шийла денош эттача дарж пунчиоала лазар, цудухьа шоай могашал лораеш, дӀайха барзкъа тӀадувхаш, хила беза бахархой.
