ГӀалгӀай къаман
юкъара газет

«Рамадан Мубарак» яха динца ювзаенна хаттарий-довзарий моттиг дӀайихьар вайцига

«Рамадан Мубарак» яха динца ювзаенна хаттарий-довзарий кхетаченаш дӀайолаяьй вай мехка республикерча ерригача Россе къамашта юкъерча союзо. Хьалхарча кхетаче дакъа лоацаш хилар Наьсарерча № 18 йолча ишколан дешархой, дийцар тха газетага цигарча къахьегамхоша.

«Тайп-тайпарча ханашка кхаьча бераш да тоабашта юкъелаьцараш. 6-ча классера 10-ча классага кхаччалца долча бераша хьагойтар шоай бусалба динах бола кхетам. 30 хаттар, тӀадуллар кхоачашдеш, къахьийгар цар.

Ид- аль-Фитр малагӀча денах оал, мархий беттацара эггара езагӀа йола бийсаш маца дӀайолалу, мархий хана цхьана вӀашагӀабетталуш маьждиге дӀакхухьача кхетаченах фу оал, иштта кхыдолча хаттарашта жоп луш, шоай кхетам хьагойтар бераша.

«Ӏилманхой», «Маьлха зӀанараш», «Турпалхой» яхаш хиннача кхаь тоабан бераша лакхача боараме хьахьекхар шоаш. Хьалхара моттиг 32 балл яьккхача «Турпалхоша» дӀайихьар. Кхетачен толамхошта грамоташца цхьана дийкъар ламаза кӀувсаш, сулхьаш-счётчикаш, сивакаш», - дийцар тхога кхелахошца ваьгӀача Тоачанаькъан Ислама.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде