Лоамашка кораеш йолча хӀамаша гӀадбуг тохкамхой
02.05.2024 15:53
ЖӀайрахьа-Эса-ЧIожерча музея-заповедника болхлой укх деношка Юкъера Оздик яхача моттиге баха хилар, цига керда хӀамаш корайир царна, яхаш, дийцар «Сердало» газетага мехка министрий кабинете.
«Къулба-малхбузехьа 300-400 метр дӀахо хьун даькъ тӀа, йий ца ховш, йоккха йоаца шахьар гучаяьлар; лаьттан тӀа, иштта лаьттан кӀалха 22 малхара каш корадаьд», - аьлар хоамо.
ДӀахо уж балхаш дӀахьоча тохкамхой тоабо, сурташ а доахаш, уж моттигаш дӀачӀоагӀъю, лорае а дикагӀа тахка а дагахьа.
ХӀара гӀишло геттара чӀоагӀа тохкаргья Ӏилманхоша, уж чуйоагӀача моттигашкарча говзанчаша. Лоаман ГӀалгӀайче тамашийна я, ший исторически тешалца.
