Цӏихеза суртанча вай мехкарча паччахьалкхен ИЗО музеерча кхетаче дакъа лоацаш хилар
«Суртанчаца ду делкъар» яха телевизионни проект я вай Паччахьалкхен музее дӏахьош. НТРК «Магас» дӏахьош йола кхетаче «Пушкина карта» яхача федеральни программо хьаллоацаш дӏахьош я. Цхьан истола гонахьа хайша, чай молаш суртанча вахар довза аьттув боалл цига. Массанена дика вовзаш вола Шивцов Евгений вар укх наькъа музеера хьаьша.
«Шивцов Евгене дийцар ший кхоллама наькъах, ший болх мишта, сенгара дӏаболабеннаб, иштта эггара чӏоагӏагӏа ший дег чу дийшача суртех. Кхетаче дакъа лоацаш хиннача Илдарха-Гӏалий тӏарча № 1 йолча ишкола дешархой дукха хаттараш дар цӏихезача суртанчага. Берашцара къамаьл хьаллоацаш, цар мел дола хаттар дикка доашхаш ха яьккхар воккхача говзанчас», - дийцар «Сердалога» музея зарбан болх лелабераша.
Суртанчан вахара, кхоллама никъ ма барра бовзийташ йола проект тахан ший йизза моттиг дӏалаьца, массане езаенна хьаллоацаш я.
