Молочанске дӀадахьийтар совгӀатий 40 тускар
31.05.2024 15:23
Аьтинга бетта бераш лорадара Ди долаш, ГӀалгӀай Республикан кулгалхочо Келаматанаькъан Махьмуд-Ӏаьлас Молочанск яхача шахьаре дукхача дезалий фусамашта лаьрхӀа совгӀаташ дахьийтар. Из хоам «Сердало» газетага бир мехка министрий кабинето.
«Берий дог гӀоздаьккхар цу дийнахьа, дерригаш совгӀатий 40 тускар дахьийтар. Уж дӀадекъаш яр шахьара администраци, ГӀалгӀай Республикан гӀишлошъяра министра гӀончас Захаров Игора дакъа а лоацаш», - йоах хоамо.
Белгалдаккха дезаш да, ГӀалгӀайчен юкъара болх лелабераша, Ӏаьдала болхлоша дика дакъа лоац; дешаца а деча совгӀаташца а вай мехка кердача моттигий бахархошта новкъостал деш.
