«Тохкама болхлоша гуча ма даккхара, 2022-ча шера ахкан шоллагӀча бетта 18-ча дийнахьа, Магасерча офисе ший болх беш яьгӀача цӀен – нанна, из шийцара къаста гӀерташ хиларах, массехказа урс теха, човнаш яьй цу ираз дайнача сага. Кхалсага дегӀа боккха Ӏоткъам беш йола човнаш я цо яьраш», - йоах хоамо.

Кхалсага шийна могачох духьале ярах, гонахьара нах оарцагӀбахкарах, ше лаьрхӀар чакхдаккха аьттув баьннабац цун. Лозаяьр чехка дарбанче Ӏочуйигай. Магасерча лакхехьарча судо 7 шу суд йир цунна. Ше даьчун уйла е дикка ха хургья цунга, набахтен готтигача корах арахьежаш.