Къаман проекташ кхоачашъярах, дийцар мехкарча кабмине
26.01.2026 11:42
Премьер-министра Сластенин Владимира мехкарча Кабмине дӏайихьача кхетаче къаман проекташ йоаржаярах, иштта керттердарех дийцар. «Сердалога» из хоам бера Паччахьалкхен зарбан болх лелаберашкара.
«Къаман проекташ йоаржаярах, ЦУРа балхах, бахархошкара тӏалатташ дола хаттараш дашхарах дийцар кхетаче. Иштта гулбеннараша дийцар тӏема декхараш кхоачашде баха безарий гӏулакхах, паччахьалкхен программай паспорташ кийчдарах «Электронни рузкъанга» гӏолла.
Дезалашта юкъерча политиках, демографеца дувзаденнарех, тӏалатта декхараш ханнахьа дӏатела дезарах дувцаш, цу оагӏонашца кхоачашде дезараш белгалдир», - йоах тхога кхаьчача хоамо. Кхоачашде деза лоархӏамедараш малагӏаш да къоастадеш, дӏадоладелар мехкарча Паччахьалкхен къахьегама кӏира.
