Мехкада: ГӏалгӀайчен гӀулакхацара хьал тоалуш доагӀа
ГӏалгӀайчен кулгалхочо Келаматанаькъан Махьмуд-Ӏаьлас аьлар, укх тӀехьарча пхе шера республикерча гӀулакхацара хьал тоалуш доагӀа. Цо яхачох, бизнес-юкъарлено ГӏалгӀайче керда проекташ юкъеяхара йола майда хьакхоллаш латт.
«Из болх дика дӀахьош хилара бола гойтам ба, Торгово-промышленни ГӏалгӀайчен палата дакъа лоацаш хилара боарам 143% лакхбенна хилар. Цу тайпара толам - цхьана болх дӀабахьара тешам лакха хилар», - аьлар республикан кулгалхочо.
Мехка Кулгалхочо яхачох, из толам баккха таро хилар цахаддаш доалахьара болх лелабераш хьаллацара гӏулакх дӀахьош хиларах. Иштта Торгово-промышленни палато юкъейоалаю программаш, 30% маьха чухьнахьа шоай доакъашхошта, вӏашагӏдехк дешараш, хьехамаш тел. Цо новкъостал ду моттигерча бизнесменашта федеральни, халкъашта юкъерча борам тӀа бала.
Цу дерригне а дика новкъостал ду, республике шоай доалахьара гӀулакх дӀахьош барашта»,-аьлар Келаматанаькъан Махьмуд-Ӏаьлас. Цо тӀатехар, тӀеххьарча шерашка ГӏалгӀайчен ТПП ше хьагойта хилар, мехка экономика дегӀайоалаеча тешшаме доакъашхо санна. ДукхагӀа хулаш латт, палата керттера доакъашхо я аьнна лоархӀараш. Из иштта хилар хьагойт керда бартчӀоагӀонаш еш, балха моттигаш хьакхоллаш, продукци арахецара хьалаш хьаделлаш хиларо.
ЛоархӀаме да белгалдар, 30% Палата керда доакъашхой хьакхетар йоккхача кхетаченашка дакъа лаьцачул тӀехьагӀа. Из да тӀехьара тӀа тешам луш хилар, пайда а эцаш, цхьана болх дӀабахьара.
Белгалду, Россе экономически дегӀаяра Министерствос яхачох, ГӏалгӀайче кхоалагӀча моттиге я 2025-ча шера хьалхарча кхаь бетта зӀамига, юкъера бизнес яржарах.
