Мехкада: ЦхьоагӀо йолга дӀагойт вай, мохк цӀенбеш хиларца
«Къаман лостама керттердараш» яха доккха къахьегама шоатта хьаллацара тӀахьех вай мехкадас Келаматанаькъан Махьмуд-Ӏаьлас мехкахой, къахьегама тоабаш, кагирхой, бераш, бӀарчча дезалаш.
Ӏалама хьал тоадара тӀехьа доаржадеш да из беркате гӀулакх. Россе Ден хетаяь из йоккха кхетаче мел лоархӀаме я белгалдир Мехкадас: «Мехка берригача бахархошта лоархӀаме дола цӀай хьатӀадоагӀаш, воаш цхьоагӀо йолаш; мохк цӀенагӀа, хозагӀа, паргӀатагӀа хилийта ловш долга дӀахьокха деза».
Республикан кулгалхочо белгалдир, Россе Ди дездеча дийнахьа пайданедар, беркатедар, дега тоам хулача гӀулакхашца хотта йиш йолга – Даьхен хоза моттигаш йовза, вӀаший бувзам чӀоагӀбе аьттув ба из.
Кхоана ГӀажарий-Юртара дӀаболабергба болам. Эса юхе гуллургба 500 совгӀа бола Ӏаламах дог лазараш: гӀо деш лелараш, студенташ, хьехархой, тайп-тайпарча моттигашкара къахьегамхой, иштта «Даьхен лорбой» яхача ганза моттигерча филиала болхлой.
