Мехкада: Вай, цхьа барт болаш, гӏо ду СВО бӀухошта
11.11.2025 18:14
СВО доакъашхой, цар дезал хьаллоацаш дӀахьош болча балха дакъа лоацаш я еррига Ӏаьдала балха моттигаш, доал деча даькъ тӀара кулгалхой, юкъарлон болхлой, республикан бахархой. Цох дийцар ГӏалгӀайчен Кулгалхочо Келаматанаькъан Махьмуд-Ӏаьлас «Гуччахьара къамаьл» дӀахьош «Магас» телеканалага гӀолла.
«ЛаьрххӀача операце дакъа лоацаш волча хӀара сага вахарах бехктокхаме да вай», - аьлар Келаматанаькъан Махьмуд-Ӏаьлас, российски бӀухоех дувцаш.
Цо хьоахабир цу даькъ тӀа дӀахьош бола болх. Республикан паччахьа иштта белгалдир мел эшаш да тахан, нийсхонга диллача, вай мехка духьала моастагӀал долча наха леладу гӀулакхаш юхатохар.
