Мехкада: «Вай моастагӀаша шоашта могар ду, хьал кегаде гӀерташ»
Селашкахьа ши хатар хилар- Дербенте, Махачкале. Дербенте кераста наьха киназа чу чубаьнна, цигара мозгӀар а иштта хаьхо а вийра. Махачкале ДПС ха латтача, иштта киназа чу зуламхоша хатар дир. Цу тӀагӀолла бокъонаш лораеча болхлошта, зуламхошта юкъе латар хиларах; лозабаьраш, боабаьраш ба.
«Вай моастагӀаша шоашта могар ду, вай мехкара хьал кегаде гӀерташ. Бакъда царна хетар чакхдаргдац. Вай цхьа барт болаш да; терроризмаца, Украинерча зуламхошца къовсам лоаттабеча. Вай массахана кийча да вай Даьхенна - Россена тӀакховда безам болчунна духьалъотта», - аьлар ГӀалгӀайчен кулгалхочо Келаматанаькъан Махьмуд-Ӏаьлас.
ГӀалгӀайчен Кулгалхочо кодам бийцар Селий Республикан кулгалхочунга Меликов Сергейга, бейнарий дезалашка. Иштта цига лозабаьрашта моаршал хилара дешаш а аьлар цо.
ГӀалгӀайчен Кулгалхочо, цу эттача хьале ше Селий мехкаца цхьана хилар белгалдир. Цо иштта аьлар, зуламхой таӀазар доацаш бусаргбоацилгах ше тешаш ва, аьнна.
