Прокуратуран болхлой цар цӏайца даькъалабийцар Мехкадас
РФ прокуратуран болхлой Денца вай мехкара цу оагӏонцара къахьегамхой даькъалабувцаш хилар мехкада Келаматанаькъан Махьмуд-ӏаьла. Республике бокъонаш лораяра, нийсхо лоаттаяра тӏехьа болх дӏахьош болча наха баркал аьлар республикан Кулгалхочо. Мехкадас белгалдир, Прокуратура тахан чоалхане, боккха болх кхоачашбеш оагӏув болга.
«Денал эшаш, лакхача говзалца дӏабахьа безаш, болх ба тахан оаш дӏахьошбар. Хӏара дийнахьа шоана тӏалаттар доккха дукъ да; наьха бокъонаш лораяра, нийсхо лоаттаяра тӏехьа.
Дуккхача шерашка айса цхьана къахьийга болхлой къаьстта даькъалабувц аз цар Денца. Аьттув болаш, беркате, иразе хилба шун вахара, къахьегама никъ, доккхача дикашка кхоачаш дахалда шо вай Даьхен хӏама тоадеча наькъ тӏа», - аьлар Келаматанаькъан Махьмуд-ӏаьлас ший къамаьла юкъе.
