ГӀалгӀайчен бахархой цӀайца даькъалабийцар Махьмуд-Ӏаьлас
ГӀалгӀай паччахьалкхен 100 шу дизара цӀай деpдеш я республика. Цу лоархӀамеча денца республикан Кулгалхочо Махьмуд-Ӏаьлас кхайкарал дир бахархошка, ловца а боаккхаш.
«1924 шера кӀимарса бетта 7-ча дийнахьа хьакхеллай къаьстта йола РСФСРа чуйоагӀаш ГӀалгӀай автономни область. ДегӀаахара даькъ тӀа из лоархӀаме а хилар», - аьлар ГӀалгӀайчен Кулгалхочо.
«Вай доаккхал ду воай тӀехьаленах, дӀахо хургдар хьакхоллаш а да вай, из тӀехьенга кхоачаргдолаш. Тахан ГӀалгӀайче - кхоане а йолаш, дика дегӀайоагӀаш йола моттиг я.
Вай паччахьалкхе чӀоагӀа хилийтара даьр дукха да, республикан бахархой вахар тоадара тӀехь кхы а къахьегаргда»,- аьлар Келаматанаькъан Махьмуд-Ӏаьлас.
Республикан Кулгалхочо бахархой даькъалабийцар, цар могашал, машар, ираз хилар ловш болча ловцаца.
«Вай хьамсара ГӀалгӀайче массаза хозлуш, тоалуш яхийла!» - аьлар цо.
