Халкъа Гуллама хьалхашка къамаьл дергда вай Мехкадас
03.07.2024 09:16
Халкъа Гуллама депутаташта хьалхашка къамаьл деш, кхетаче ергья Мехкадас Келаматанаькъан Махьмуд-Ӏаьлас кхоана. Из хоам «Сердало» газетага бир Мехкадаь зарбан болх лелабераша.
«Республикан паччахьалкхено дӀабихьача балхах, кхоачашде лерхӀарех дувцаргда къамаьла юкъе», - белгалдир Келаматанаькъан Махьмуд-Ӏаьлаc.
Эггара керттерча даькъе латт мехкара экономикан, вахара хьал тоадергдараш, тӀема операцен доакъашхошта гӀо дар, цар оагӀув хьаллацар, туризм, иштта, кхыдола оагӀонаш тоадеш, дӀабахьа беза болх.
