Калининградера гӀалгӀай юкъарло белгалйир, къамашта юкъе барт беча дакъа лацарах
27.01.2025 16:58
«ГӀалгӀайчен къаман культуран автономи» яхача Калининградерча юкъарча цхьанкхетара цу областа чурча гӀулакхий политикахи доал дара дакъа дегӀакхувларахи йолча Министерствос сийлен грамота елар.
Из совгӀат царна делар къамашта юкъера барт чӀоагӀбара даькъ тӀа дика къахьегарах. Иштта, «Вай ноахал машара, цхьоагӀон тӀехьа» яхача Халкъашта юкъерча ӀӀ-ча кхетаче белгалбаларах.
Дукха ха йоацаш, Калининграде кхетаче хилар, цига дийцар 2025 шера цхьанкхетаро бе лерхӀача балхах. Цунна чудоагӀаш да Калининграда областа бахархошта, гӀалгӀай къаман культура, Ӏадаташ довзийтар.
