Спорта министра баркал кхайкадир ГӀалгӀайчен каратисташта
02.01.2025 20:23
Спорта министра Белхарой Руслана баркал кхайкадир дукха хьисапаш чулоацача каратэх болча кагирхошта, цар мехка а халкъашта юкъерча а яхьашка толамаш дахарах. Из хоам газетага бу цигарча зарбан болх лелабеча ГӀаппархой Аишас.
«Министерствон кулгалхо волча спортсменашца цхьана вена хилар дукха хьисапаш долча каратэ федереце президент Шовхаланаькъан Ӏаддал-Ӏазит, тренерий тоаба. Белхарой Руслана белгалдаьккхар, дӀадахача 2024 шера цу спортах дола толамаш дукхагӀа хиннилга. Цунна дика тешал ду моттигерча, мехкарча, дунен халкъашта юкъерча яхьашка гӀалгӀай спортсменаша даьхача совгӀаташа; царна юкъе я 115 дошо, 80 дото, 97 борза майдилгаш», - хоам бу зарбан секретара.
