50 моттигера гулвеннача 403 каратиста юкъе шоай говзал гойташ хилар вай спортсменаш. Белгалде деза, уж яхьаш фашист вохавеш яьккхача Коталон 80 шу дизара хетаяь хиннилга. 90 кг дозал дарашта юкъе, хӀанз кхозлагӀа котало йоаккхаш ва Янарсанаькъан Ислам. «Россе спорта говзанч», дунен чемпион яха цӀераш лелаеш ва из. Ноакастхой Адама республиканна дотув дера, 85 кг дозал дарашца летача белгалваьнна.

Россе яхьашка котбаьннараш дакъа лоацаш хургба, укх шерарча гуйран шоллагӀча бетта, Чебоксары яхача шахьаре дӀаяхьа лерхӀача йоккхача яхьашка.