Шолжа-ГӀалий тӀарча чемпионате 5 майдилг яьккхар вай каратисташа
07.05.2024 10:53
Каратэх йолча, Нохчий мехка дӀайихьача чемпионатера 5 майдилг яхьаш цӀакхаьчар вай лакха начӀал дола каратисташ. Из хоам «Сердало» газетага бир физически культурахи спортахи йолча министерство.
«Мехкашта юкъерча Шолжа-ГӀалий тӀарча яхьашка лакхерча лагӀа тӀа баьлар Ноакастхой Ислам, Шовхаланаькъан Илез, Саккхалнаькъан Сулейма. Дотув даьккхараш- Шовхаланаькъан Адам, Ноакастхой Адам.
Каратисташ кийчбеш къахьийга тренер - «Вайнах» яхача клуба доакъашхо вола Шовхаланаькъан Ӏаддал-Ӏазит», - йоах тхога кхаьчача хоамо.
