Дега дарбаш деча лорашка сагото яйташ да гӀулакх
03.02.2025 16:48
ТӀехьарча шерашка геттара чӀоагӀа «къонденна» даьржача дега лазараша сатем боабаь кхест вай лораш. Дега инфаркт хулараш тӀехьарча хана 35 шерал кӀезигагӀа даьннараш ба. ХӀаьта бахьан - электронни гӀаьленаш (вейпаш) яха ираз доаду хӀамаш.
«ДегӀа гӀаьленал кӀезигагӀа зе деш я, яхаш, хестаеш йола вейпаш доккхагӀа зулам доаржадеш я. ХӀетта кхувш латтарашта, кагирхошта я уж къаьстта кхераме. Цу хӀамаша боаггӀача боараме лелийтац дегӀацара цӀий, из бахьан долаш йоккха юкъ ялале дега лазар хьатӀадоал.
Ший унахцӀенон уйла еш, лерттӀа кхетам болча сага вӀалла леладе йиш йолаш хӀама дац из. Вейпаш, (электронни гӀаьленаш) дӀаяха еза вайна юкъера», - дийцар «Сердалога» унахцӀенон гӀулакхех йолча министерствос.
