Илдарха-Гӏалий тӏарча КДН аргӏанара йоаца кхетаче дӏайихьар
Барайтта шерга кхачанза долча берий гӏулакхех болча оагӏонца аргӏанара йоаца кхетаче дӏахьош, цхьацца кхоачамбоацарех дувцаш хилар Илдарха-Гӏалий тӏа. Из хоам «Сердалога» бир мэре болхлоша. «Администраце гулбелар депутаташ, прокуратура болхлой, дарбанчешкара лораш, СВО доакъашхой дезалашца бувзам лоаттабераш, ишколера хьехархой, иштта шахьарерча ПДН болхлой.
Даьшца, ноаношца къамаьл даь; барайтта шерга кхачанзачар вахара хьал, гӏулакхаш миштад техка; болх дӏабихьар кхетаче. Берий ишколацарча бувзамах дийцар хьабаьхкача хьехархоша», - хоам бу газетага. Халадар аттача доаккхаш малагӏа болх лоаттабе беза дийцар, шахьара даь гӏонча волча Йовлой Тимура кулгал деш дӏайихьача кхетаче комиссе доакъашхоша.
«Ишттача кхетаченашка керттердар гӏо дар, моллагӏа хӏама талхаргдоацаш юххьанца де дезараш белгалдар да. Берашта массахана тӏахьожам, терко хила еза, боаггӏача боараме царна кхетам луш, уж лерттӏа хьалкхеде къахьега деза вай», - аьлар Йовлой Тимура.
