ГӏалгӀайчен кикбоксёраша МагӀалбике шоай говзал гойтар
23.06.2025 14:52
ГӏалгӀайчен кикбоксёраша шоай спорта говзал гойтар МагӀалбике дӀахьош хиннача яхьашка, яхаш, дийцар «Сердало» газетага из болх вӀашагӀбеллараша.
«ЛаьрххӀача операце доакъашхой бераш дакъа лоацаш хилар Физкультурани унахцӀенони комплекса даькъ тӀа дӀахьош хиннача яхьашка. Яхьаш дӀахьош, тайп-тайпара ха яьннараш хьежар латара говзалга, вӀаший качбахара кепага, низ дукхагӀа хиларга. Доакъашхоша хьалххе а кийчо яьяр цу лоархӀамеча денга. Берий даьша а иштта новкъосташа а шоашта могар дир, шоаш царех дог лазаш хилар хоадалийта гӀерташ», - аьлар хоамо.
Шахьара кхела доакъашхоша яхачох, спортсмений лерхӀам бир цу кхетаче. Берригача доакъашхошта майдилгаш, дипломаш делар, къаьстта котбаьннарашта - мах бола совгӀаташ.
