Россе чемпионате дошо, дото майдилгаш яьхар вай спортсменаша
25.11.2025 09:05
Каспийске дӏайихьача Россе чемпионате; дошо, дото майдилгаш йоахаш; белгалбаьлар вай мехкара кикбоксераш. Из хоам «Сердалога» бир Минспорта зарбан болх лелабеча Гӏаппархой Аишас.
«Ерригача Россе яхьашка шоай низ гойта аьттув хилар 60 моттигера гулвеннача 600 спортсмена. Лайчилла бетта 18-ча денгара 23-ча денга кхаччалца лаьттар чемпионат. 91+ дозалах белгалваьлар вай мехкахо Муцолганаькъан Дени. Шоллагӏча моттиге эттар кикбоксинга ишколера Мутаӏаланаькъан Ислам. Къамашта юкъерча яхьашка вай мохк гойта аьттув белар цу толамо», - дийцар тха газетага.
Каспийске хиннача яхье вай республикерча тоабанца ваха хилар моттигерча кикбоксинга федераце Президент Коазой Мовсар.
