6 500 000 сомал дукхагӏа проекташ йоаржаяьй Дикача наьха клубо
Укх шерарча ардара бетта 6 524 379 сомага кхоачаш ши программа, пхи проект йоаржаеш болх дӏабихьаб «Дикача наьха клуб» яхача вай мехкарча оагӏоно. Из хоам «Сердалога» бир КДЛ СММ болхло йолча Гиренаькъан Лейлас.
«Тхо уллув да» яхача проектага гӏолла ха яха 64 саг волча баха хиннаб уж. Ахчанга диллача – 78 478 сом хул цох. Гӏо деча проектага гӏолла 34 кхалсага новкъостал дир.
Маха баккхара 11 уроках, лекцех, халача хьале барашта лорашца, психологашца кхетаченаш еш дехкар 35 265 сом.
«Баьццара лампа» яхача проектага гӏолла 62 656 эзар сом дӏадахад гойтама балхаш, кружокаш дӏахьош, 39 бера могашал меттаоттае гӏо деш. «Со донор ва» яхача боламо республикера 38 саг чулаьцав.
«Новкъостала кулг кховдаде сога» яхача программага гӏолла, бархӏ дезала 19 000 сом совгӏа долча ахчах кхача ийцар.
«Дика дегаш» яхача программо хьаллаьцар; молхашцара гӏо, дарба дӏадахьа ахча эшараш. Цу беркатеча гӏулакха тӏехьа 6 325 312 сом дехкад 45 бера, воккхача шин сага новкъостал деш.
«Гӏо деш лелараш» яхача проекта юкъе 30 доакъашхочоа лаьрхӏа «Дикалла урокаш» я.
