Кхоачашде дезача лоархӏамеча декхарех, дийцар мехкарча МВД
Дӏахойодача хана кхоачашде дезача лоархӏамеча декхарех дувцаш, кхетаче дӏайихьар мехкарча МВД. Из хоам «Сердалога» бера министерствон зарбан болх лелаберашкара.
«Дӏадахача 2025-ча шера кхоачашде аьттув баьннарех дийцар, мехка чухьарча гӏулакхех йолча Министерстве дӏадихьача вӏашагӏкхетаре. Цига дакъа лоацаш хилар вай мехкада Келаматанаькъан Махьмуд-ӏаьла, Россе СКФО МВД ГУ кулгалхо, полице инарал-полковник Бачурин Сергей, вайцигарча чухьарча гӏулакхех йолча Министерствон хьалха латта полице инарал-майор Котов Владимир, иштта МВД оагӏонцара кхыбола болхлой», - йоах тхога бенача хоамо.
Дӏадахача 2025-ча шера дӏабихьача балхах дийца, иштта дӏахойодача хана кхоачашде деза лоархӏамедараш белгалдир гулбеннараша. Хӏаьта МВД болхлошта хьалхашка латтача эггара керттерча декхарех да, мехка зуламаш цадаржийтар, бокъонаш телхаерий наькъаш тедар, наха кхерам боаца, маьрша денош хилийтар. Тахан уж декхараш цар бехктокхаме кхоачашду ала йиш я.
